తెలంగాణ రచయితల వేదిక
అఖిల భారత మహాసభలుతెలంగాణ రచయితల వేదిక అఖిల భారత మహాసభలు జూన్‌ 10వ తేదీన హైదరాబాద్‌ బషీర్‌బాగ్‌లోని భారతీయ విద్యాభవన్‌లో జరుగనున్నాయి. ఉదయం 10 గంటలనుంచి ప్రారంభమయ్యే ఈ సభల్లో జూకంటి జగన్నాథం, ప్రజా కవి గద్దర్‌, టిఆర్‌ఎస్‌ అధినేత కేసీఆర్‌, సిపిఐ ప్రధాన కార్యదర్శి సురవరం సుధాకర్‌ రెడ్డి, పొన్నం ప్రభాకర్‌, కిషన్‌రెడ్ది తదిరత రాజకీయ నాయకులతోపాటు పత్రికా సంపాదకులు, రచయితలు, రచయిత్రులు, కళాకారులు పాల్గొంటారు. తె.ర.వే. ప్రధాన కార్యదర్శి జూలూరు గౌరీశంకర్‌ శ్వేతపత్రం, నివేదిక సమర్పిస్తారు.
చిన్నప్ప భారతి పురస్కారం
తమిళనాడులోని నామక్కల్‌కు చెందిన ప్రజా రచయిత, ప్రగతిశీలవాది చిన్నప్ప భారతి. మంచి రచనలను ప్రోత్సహించేందుకు చిన్నప్ప భారతి పేరిట ఏర్పాటు చేసిన ట్రస్ట్‌ జాతీయ భాషల్లో ఏటా ఒక భాషలో ఒక ఉత్తమ రచనకు రూ. 50 వేలు పురస్కారం అందిస్తున్నది. 2001లో తెలుగులో ఉత్తమ రచనకు ఈ పురస్కారాన్ని అందజేస్తారు. నవల, కథలు, కవిత్వ సంపుటి, అనువాద రచనలు, నాటకం, జీవిత చరిత్రలు, వ్యాస సంకలనాలనుంచి పురస్కారానికి ఎంపిక చేస్తారు. 2001 నుంచి 2010 లోపు ప్రచురించిన ముద్రిత రచనలు రెండు కాపీలు జూలై 30 లోగా ‘సాహిత్య ప్రస్థానం, ప్లాట్‌ నెం 21/1, యం.హెచ్‌.భవన్‌, ఆర్టీసీ కళ్యాణమండపం వద్ద, ఆజామాబాద్‌, హైదరాబాద్‌ 500 020’కు పంపాలి. అక్టోబర్‌ 2 గాంధీ జయంతినాడు చెనై్నలో తమిళనాడు అభ్యుదయ రచయితల, కళాకారుల సంఘం నిర్వహించే సభలో నగదు పురస్కారం అందజేస్తారని సాహితీ స్రవంతి రాష్ట్ర అధ్యక్షుడు తెలకపల్లి రవి తెలిపారు.
ద్వానా పురస్కారాలు
డా ద్వానా శాస్ర్తి 64వ పుట్టిన రోజు సందర్భంగా తుర్లపాటి రాజేశ్వరి (బరంపురం) సంగివేని రవీంద్ర (ముంబాయి), జి. ప్రభాకర్‌ (మైసూరు), మలయశ్రీ (కరీంనగర్‌), తాళ్ళపల్లి మురళీధర గౌడ్‌ (హైదరాబాద్‌) లకు కిన్నెర- ద్వానా శాస్ర్తి పురస్కారాలను జూన్‌ 15వ తేదీన హైదరాబాద్‌ శ్రీత్యాగరాయ గానసభలో జరిగే కార్యక్రమంలో అందజేస్తున్నట్టు కిన్నెర ఆర్ట్‌ థియేటర్స్‌ సంస్థ ప్రధాన కార్యదర్శి రఘురామ్‌ తెలిపారు.
మీ...నిర్మల్ రాజు
No comments:
Post a Comment