నవ్వులు

మానేశాడు కానీ...
విశ్వం: ఏరా... మీ అబ్బాయి నిద్రలో నడిచే అలవాటు మానేశాడా ?
రామం: మానేశాడు రా... ఇప్పుడు సైకిల్ తొక్కుతున్నాడు. నడుస్తుంటే కాళ్లు లాగుతున్నాయట...

తేడా ఆ కొంచెమే కదా...
‘‘హల్లో... మీది 19229021 నెంబరేనాండీ?’’
‘‘కాదండి. రాంగ్ నెంబర్. మాది 19229022’’
‘‘అలాగా...! మీ పక్క నెంబరే కదా కాస్త పిలుస్తారా...?’’

అలా చేశాక హ్యాపీ...
‘‘సంవత్సరం నుంచి నేనిచ్చే మందులు వాడుతున్నావా?’’ అడిగాడు డాక్టర్.
‘‘లేదు. మీరు రాసిన మందులతో మందుల దుకాణం పెట్టుకుని హాయిగా ఆరోగ్యంగా ఉన్నాను’’ చెప్పాడు పేషంట్.

నవ్వులు

సూరి: బ్యాంకు వాడి కూతురిని పెళ్ళి చేసుకోవడం చాలా తప్పయిందిరా...!
రాము: ఏమయ్యింది? బ్యాంకు సంబంధం అంటూ ఎగిరి గంతేసి పెళ్ళి చేసుకున్నావుగా.
సూరి: అంతా నా ఖర్మ. కట్నంగా ఇచ్చిన ప్రతీ వస్తువుపై గోపాలం గారి ఆర్థిక సహాయంతో అని రాయించి మరీ ఇస్తున్నాడు మా మామగారు. ఇంటికి వచ్చే వాళ్ల ముందు తలెత్తుకోలేక పోతున్నాను.