నీకోసం.....
నీ కోపం నిరుపమానంఒక్కోసారి తుఫానులా వస్తుంది
అగ్ని కీల వలయంలో అర్ధనిమీలితంగా నిల్చుంటాను
నీ కోపం వరదలా వస్తుంది
ప్రవాహ మధ్యలో శిలలా దిగ్భ్రమతో నిలచిపోతాను
నీ కోపం చీకటిలా గాఢంగా వస్తుంది.
నిశ్చలన దీపంలా నిల్చుండి పోతాను
ఎడతెరపి లేని నీ ఆరోపణల వర్షంలో
ఆద్యంతం తడుస్తూ
చలనం లేని చెట్టులా ఉండిపోతాను
ఉద్రేకంతో ఎప్పుడూ ఊసులాడ కూడదు
ఉద్వేగానికి ఉబుసు పోక కబుర్లు ఉల్లాసాన్నివ్వవు
యుద్ధ రంగంలో విజయమెప్పుడూ నీదే!
బందీ నెందుకు నిందిస్తావని అడగను.
నీ కోపంతో, నీ కన్నీళ్ళతో నీ హృదయం
పరిశుభ్రమవుతుంది.
శుభ్రమయిన మనసులో
సుందర చంద్రోదయ మవుతుంది
వెన్నెల్లో నువ్వు ఆడుకోవడానికి సిద్ధంగా ఉన్న
బొమ్మని నేనే కదా!
No comments:
Post a Comment