యువ్వన సమయాలు
నిద్రిస్తున్న ఆమెను లేపికృతజ్ఞతలు చెప్పాలని ఉన్నది
నిద్రాభంగమైన
ఆమె నవ్వు ముఖంలో
నా ముఖాన్ని దాచుకోవాలని-
చెరో దిక్కునుండి
ఒకే గదిలోకి వచ్చాం
ఇద్దరి ప్రయాణ దారి
ఒకటేనని తెలియడానికి
యవ్వన సమయాలదాకా
వేచి చూశాం-
ఎక్కడనుంచి వచ్చిందో
తల్లి నయనాలను విడిచి
నా కనులను వెతుకుతూ
ఆమె నయనాలలో
కన్నీటి చెమ్మను చూడలేదు-
నిద్రిస్తున్న ఆమెను లేపి
హృదయం నిండా
కన్నీరు లేదు కదా!
అని అడగాలని ఉన్నది-
No comments:
Post a Comment